اڄ عاشق روئندو رات سڄي، جنهن ڪالهه پرينءَ جو پارُ ڏٺو،
سو جان ڪندو قربان کِلي، جنهن يار ڏٺو دلدار ڏٺو.

1. لک طعنن جا جي تير هلن، جي خواري ملامت ماڻهو کِلن،
جي طلب اندر تعذير ملن، نا مُڙندو جنهن مهندار ڏٺو.

2. هي عشق عجب اسرار آهي، ڪندو نانگو ۽ نروار آهي،
ڄڻ ڪنڌ ڪلهن تي بار آهي، سو گهوريندو جنهن يار ڏٺو.

3. هَٽُ ڪانئر تنهنجو ڪمّ ُ نه آ، ڇا سَهندين تو ۾ دمّ نه آ،
تو ڄاتو ڄماندر ڄمّ ُ نه آ، تو ناهي هي سنسار ڏٺو.

4. جنهن پيچ پرت جو پاتو آ، جنهن نينهن جو ناتو لاتو آ،
سو دمدم دل ۾ آتو  آ، جنهن سونهن ڀريو سردار ڏٺو.

تون ”ڪرم الله“ نا ڪاهل ٿي، هن درد وارن ۾ داخل ٿي،
تون شوق وارن ۾ شامل ٿي، جن مُحب مٺو منٺار ڏٺو.